Siglir tar il cuntegn

Di dal mund digital Las schanzas da la digitalisaziun

Ils 21 da november 2017 è il di naziunal da la digitalisaziun che duai mussar las sfidas d’in mund digital en Svizra. Il di d’acziun stat sut il patrimoni da la cussegliera federala Doris Leuthard e dal cusseglier federal Johann Schneider-Ammann. Leuthard vegn ad esser oz a Cuira.

Era RTR è preschent a la staziun da Cuira e mussa al public co che la digitalisaziun influenzescha il mund da las medias. Uschia pon ins tranter auter vesair a Cuira sin la staziun dals autos da posta co far in film cun il natel e gist tagliar el uschia, ch’ì vesa ora professiunal. Era pon ils visitaders e las visitadras sfundrar en in mund virtual ed uschia sa chattar entamez ina plazza da hockey.

Digitalisaziun schanzas e sfidas

La digitalisaziun influenzescha gia oz, ma vegn er ad influenzar ils proxims onns e decennis la vita da mintgadi da nus tuts. L’emprim di svizzer da la digitalisaziun vul mussar a la populaziun las schanzas da la digitalisaziun. La staziun da Cuira è in dals quatter centers sper Turitg, Genevra e Lugano.


Ord noss archiv:

RR actualitad 11:00

Nus circumdads da chaussas digitalas. Qua tar la rubrica «Digitip». Mintga glindesdi cun tips, trics e tacs dal mund digital.