Beinvegnida primavera
Beinvegnida primavera,
vein spitgau tei gia daditg,
neu e dai legria vera,
stiarna flurs entuorn nies vitg.
Liung unviern cun neiv e glatscha
ei finalmein ius naven,
e perquei sin mintga fatscha
uss tarlischa legherment.
Il sulegl cun bia calira
scaulda nossa freida val,
fa flurir cuolm e cultira
e fa crescher igl ual.
Praus e plontas en verdura,
els uauls niev giubilar,
il parfinchel cun premura
siu igniv vul baghegiar.
Tut quei era tei envida,
cor, miu cor, da selegrar,
tuts quitaus uss mo emblida
cun luvrar e cun cantar.
(Il polischet, canzuns romontschas per l’instrucziun da clavazin tschentadas da Rica-Maria Cathomen, 1995, melodia populara romontscha)