Scursalar
Mintga sera suenter scola
Lein nus ir a scursalar.
Bein dabot neu ti scarsola
Ti che vas sco da sgular.
Sin quei crest ei tegn sumada
Spert ensemen camerats.
Giu da leu tuts en parada
Scursalein nus leghers mats.
Giud la spunda tut en retscha,
O co quei va giu els plauns!
E sch’jeu piardel la capetscha,
ella vegn puspei a mauns!
E sch’jeu mondel er’en roclas
Sur in rieven, tgei fa quei!
Sche las caultschas van en zoclas,
Quei selai cuntschar puspei!
Legramein nus mein a tscheina
E lu suenter a ruaus.
La scarsola mei lu meina
Aunc en siemi or sils praus.
(Lodola, Casa editura cantunala per stampats e mieds d’instrucziun Cuera 1982, canzun populara da la Crestomazia)