Ils utschals e lur ignivs
La merlotscha sin in rom,
il parfinchel el chagliom
han rimnau fein e risdiv.
Mir’il pasler sco in retg
a mischun stat sut il tetg
la Marionn’ e Benedetg
han da quei in grond deletg.
Cu la primavera splunta
l’hirundella lu retuorna
era ella sut la grunda
in igniv da crap bein fuorma.
“Ils utschals che contan fetg
portan franc a nus grond cletg,
quei ei gie in bi schenghetg!”
di Marionn’ a Benedetg.
(Tgaubrochels: Hoppaheias, versets e canzunettas, Lia Rumantscha, Cuira 2011)