Siglir tar il cuntegn

Header

video
Il grondius secund gir da Wendy Holdener
Or da Sport-Clip dals 20.11.2022.
laschar ir. Durada: 1 minuta 13 Secundas.
cuntegn

Ski alpin: Slalom a Levi Rang 2 per Holdener – mo Shiffrin è pli sperta

A Levi en la Finlanda ha finalmain cumenzà er per las skiunzas la nova stagiun da la cuppa mundiala cun dus slaloms. Fin ussa èn vegnidas stritgadas las duas cursas da slalom gigant a Sölden, la cursa rapida a Zermatt/Cervinia e las cursas parallelas a Lech/Zürs pervi da memia pauca naiv.

Era il secund slalom a Levi gudogna l'Americana Mikaela Shiffrin. 0,28 secundas avant la Svizra Wendy Holdener che ha mussà in grondius secund gir. Terza è la Slovaca Petra Vlhova. Las ulteriuras Svizras che han fatg puncts:

  • 16. Michelle Gisin (+2,50)
  • 19. Nicole Good (+3,11)
  • 28. Aline Danioth (+6,02)

Slalom da la sonda

Mikaela Shiffrin gudogna l'emprina cursa da la stagiun da skis da las dunnas. Quai è la 75avla victoria en la cuppa mundiala da l'Americana. Segunda è vegnida la Svedaisa Anna Swenn-Larsson e terza la Slovaca Petra Vlhova.

Sco 5avla, 0,79 secundas davos Shiffrin, è Wendy Holdener stada la meglra skiunza svizra. Alina Danioth e Camille Rast han omaduas meglierà lur posiziun en il segund percurs. Danioth è vegnida 18avla e Rast 22avla.

RTR novitads 15:00

Artitgels legids il pli savens

Scrollar a sanestra Scrollar a dretga