L'emprima cursa da la nova stagiun n'ha betg lieu. Sco ch'ils organisaturs han communitgà, vegn il slalom gigant da las dunnas a Sölden annullà. Motiv perquai è la plievgia durant la notg e las prognosas d'aura che n'èn betg pli empermettentas. Quai ha communitgà la FIS. Davart ina cursa da remplazzament vegnia decidì ils proxims dis.
Legenda:
Cunquai ch'i ha pluvì la notg, han els l'emprim spustà la partenza da l'emprim percurs per in'ura sin las 11. Dentant na saja uschia betg pussibel da manar tras questa cursa sut cundiziuns fairas.
Keystone
A la partenza da la cursa fissan idas totalmain 10 Svizras, tranter ellas las Grischunas Vanessa Kasper e Jasmin Flury. Per la dumengia è planisà il slalom gigant dals ummens.
