Siglir tar il cuntegn

Header

Navigaziun

Legenda: Guardar il video Tour de Ski Val Müstair. Durada 03:32 minutas.
Or da Telesguard dals 13.12.2016.
cuntegn

Regiunal Tuttas bunas chaussas èn trais

Gia per la terza giada organisescha la Val Müstair etappas dal Tour de ski, da la seria da cursas da pliras etappas. Questa giada cumenza il Tour de ski a Tschierv en Val Müstair. L'emprim a Silvester cun cursas da sprint. Da Bumaun spetgan lura cursas da distanza da 5, respectivamain 10 kilometers.

Senza ils frars Cologna na dessi betg etappas dal Tour de ski en Val Müstair.
Autur: Urs WohlerManader da fatschenta da l’uniun turistica TESSVM

Suenter ils emprims success da Dario Cologna en il Tour de ski l’onn 2009 e la victoria da la cuppa mundiala generala da passlung han ins cumenzà en Val Müstair da s’occupar cun in’eventuala candidatura sco lieu d’occurrenza dal Tour de Ski. Ensemen cun Lai ha la Val Müstair survegnì trais giadas etappas dal Tour de Ski.

Il Tour de ski vegn preparà.
Legenda: La pista pel Tour de Ski vegn preparada. RTR / David Spinnler

Adina alternant cun la regiun da passlung en il Grischun Central ils onns 2013, 2015 e per l’ultima giada l’onn 2017. Questa giada dentant gist cun duas etappas. L'emprim spetga il sprint e lura da Bumaun etappas da distanza lunga.

Anc manca la naiv.
Legenda: Anc manca la naiv. RTR / David Spinnler
Las temperaturas miaivlas han fatg a nus duas giadas in stritg atras il quint. Nus avain stuì interrumper l’ennavada. En duas emnas essan nus dentant pront.
Autur: Clà Filip PitschPresident dal comité d’organisaziun

Gia uss ha la FIS, la Federaziun internaziunala da skis, dà glisch verda per la loipa dal sprint. En Val èn ins da buna speranza, ch'era il traject lung da 2,5 kilometers per las cursas da distanza è pront sin la fin da l’onn.

Uschia stat era a la terza ediziun dal Tour de ski en Val Müstair nagut pli en pes.

RR actualitad 08:00