Siglir tar il cuntegn

Naziunal/Internaziunal Sundby gudogna ses terz Tour de Ski en seria

Il Tour de Ski ha per la terza giada en successiun il Norvegiais Martin Johnsrud Sundby sco victur. Tar las dunnas ha gudagnà la Norvegiaisa Therese Johaug.

sundby che giubilescha
Legenda: Il dominatur dal Tour de Ski 2015, il victur norvegiais Martin Johnsrud Sundby. Keystone

Martin Johnsrud Sundby era gia partì en il final dal Tour de Ski en la Val di Fiemme cun grond avantatg. Quest ha el anc pudì bajegiar ora tar l'ascensiun da l'Alpe Cermis. La finala arriva è'l passa 3 minutas avant ses cumpatriot Finn Haagen Krogh. Terz daventa il Russ Sergej Ustjugow.

Meglier Svizzer è stà Jonas Baumann ch'ha finì il Tour de Ski sin plaz 20. Ils ulteriurs Svizzers: Toni Livers (23.) e Curdin Perl (30.). Dario Cologna aveva stuì bandunar il Tour de Ski suenter la segunddavosa etappa da sonda, pervia d'ina blessura.

Johaug gudogna il Tour de Ski 2015

johaug giubilescha
Legenda: La Norvegiaisa Therese Johaug giubilescha gia traversond la lingia finala dils 10 km en la Val Di Fiemme. Keystone

Il Tour de Ski daventa la finala tuttina ina clera chaussa per la passlunghista norvegiaisa Therese Johaug. En la part stippa da la davosa etappa en la Val di Fiemme surpassa Johaug spertamain sia cumpatriota Ingvild Flugstad Östberg. Ella gudogna cun in avanatg da 2 minutas e 20 secundas. Terza vegn in'ulteriura Norvegiaisa: Heidi Weng.

La Svizra Natalie von Siebenthal mussa ina fitg buna cursa da la plaunca si e sa meglierescha da plazza 23 sin plazza 15.

RR novitads 15:00