Ma ditg devi ina discrepanzas tranter accus e battarias. Pervi da reglas fisicas e chemicas porschan accus pli pauca tensiun che battarias per diever singul. In exempel: Battarias AA han ina tensiun da 1,5 volts, in accu en quest format porscha be ina tensiun da 1,2 volts. Quai munta ina prestaziun pli bassa ed uschia na funcziunan betg tut ils apparats cun accus u be cun prestaziun reducida.
Dapi prest dus onns è quai dentant sa midà. Cun la tecnologia da litium ed electronica fitg pitschna èsi reussì ad interpresas innovativas da construir accus en format da las battarias usitadas che porschan era la medema tensiun sco las battarias per diever singul. Ed en congual cun ils accus vegls chargian quels bler pli svelt.
Quels accus porschan ina tensiun stabila che correspunda a las battarias per utilisaziun singula, protegian l'ambient, e spargnan a lunga vista daners.
Sco cumpromiss èn quels accus dentant bun 10 giadas uschè chars sco battarias ed han pli pauc capacitad – èn pia pli spert vids.