Tgi che vul schubregiar sia tastatura, sto distatgar quella dal computer. Lura pon ins allontanar las tastas, e schubregiar quellas e l'intern da la tastatura. Tar il laptop èsi il meglier da trair or il cabel da la bischla.
Metter la tastatura en ina maschina da lavar giu la vischala n'è betg propi da cussegliar. Damai ch'ina tastatura cuntegna era electronica, ston ins almain allontanar questa tocca.
Pli simpel èsi d'evitar che bleras smiulas da popcorn u da chips vegnian en la tastatura. E mintgaton simplamain volver e scurlattar quella. Tschitschar ora la pulvra gida era, dentant eleger in stgalim flaivel dal tschitschapulvra.