Mariano Tschuor, il president da la cumissiun da medias da la Conferenza dals uvestgs svizzers manegia perquai ch'i pudess vegnir Pasca fin tar l'elecziun.
«L'uvestgieu da Cuira è en ina situaziun desolata»
Uschia analisescha Mariano Tschuor la situaziun actuala.
«Qua datti uschè bleras stgaglias, uschè pauca fidanza ch'jau strusch poss m'imaginar ch'in plevon cun forza da lavur, cun ina visiun per ina baselgia da Jesus stat a disposiziun dad entrar en quest vesprer.»
I stoppia esser cler a la persuna che suonda a Vitus Huonder sco uvestg da Cuira ch'igl è in dals pli difficils posts ch'èn il mument d'occupar en la baselgia catolica, forsa betg universala dentant da l'Europa. Qua dettia tanta lavur da mediaziun, da pacifitgar la situaziun. Il nov uvestg stoppia esser ina persuna cun ina ferma tenuta, cun fermas spatlas, di Mariano Tschuor.
«Jau sper sin nagin auter che sin il Sontg Spiert che lez fetschia sia lavur.»
Chatrina Gaudenz: «In ‹na› è in ‹na› e sto vegnir respectà»
Ellas vegnan vulneradas, offendidas, violadas. E quai en las atgnas quatter paraids, da quellas persunas, ch'èn atgnamain qua per charezzar ellas: lur agens partenaris. Ellas èn dunnas che fan experientschas cun violenza a chasa.
Violenza a chasa capita dapertut sin il mund, dentant era tar nus, en il Grischun: La polizia grischuna ha registrà 196 cas da violenza a chasa l'onn 2019, oravant tut envers dunnas. E quai èn mo ils cas ch'èn vegnids a la glisch.
Mesemna, ils 25 da november è il di internaziunal per l'eliminaziun da violenza envers dunnas. La teologa Chatrina Gaudenz è plevonessa refurmada e spirituala a Turitg ed accumpogna e cusseglia dunnas pertutgadas.
En Vita e cretta emprova ella da sclerir la rolla da las baselgias naziunalas en chaussa. San spirituals catolics e spiritualas catolicas, che vivan sezs en sistems patriarcals, insumma cussegliar pertutgads e pertutgadas? Tge fan las baselgias encunter violenza, er tala entaifer lur atgnas instituziuns? E tge savain nus tuts far encunter violenza a chasa?
