Noss focus: la religiun. Questa dumengia envida Vita e cretta cun l'istoricher e scienzà da religiun Rolf Bossart ad in viadi en la Russia, nua ch'il president Wladimir Putin vegn reelegì questa fin d'emna. Per quel resultat d'elecziun ha procurà l'autocrat Putin gist sez cun ses apparat da pussanza – maun en maun cun la baselgia russ-ortodoxa. In'allianza tut autra che sontga, ma fitg effectiva.
Elecziuns 2024 e la religiun – la Russia, Putin e la baselgia russ-ortodoxa
Il 2024 vala sco superonn dad elecziuns. La mesadad da la populaziun mundiala – var quatter milliardas persunas – viva en pajais, nua ch'i dat quest onn elecziuns. Raschun avunda per Vita e cretta da tutgar il puls dad insaquants da quests pajais en il rom d'ina seria.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter
