30 onns suenter il Na al Spazi economic europeic (EWR) en Svizra è l'approvaziun da l'EWR creschida fermamain. Tenor in'enquista dal Institut gfs.berna èn pli che 70% persuenter. L'incumbensa per l'enquista ha il moviment europeic Svizra dà.
Politica exteriura svizra vegn vesida critic
La politica exteriura da la Svizra giuditgeschan las persunas dumandadas plitost negativ. La prestaziun da la regenza davart l'UE chattan mo 2% fitg buna, 41% chattan ella plitost buna, 37% plitost schleta e 17% fitg schleta.
La populaziun n'è betg perina sche relaziuns stabilas cun l'UE duain avair prioritad en la politica exteriura, u l'autonomia e neutralitad da la Svizra. Tenor l' institut gfs.berna vulan dentant persunas da l'entir spectrum politic da dretg a sanester cooperar cun l'UE sch'i va per energia e furmaziun.
Or da l'archiv
1992 è Lü vegnì enconuschent sin plaun naziunal: tut ils 39 votants e votantas ch’èn stads a l’urna han ditg NA a l’EWR
