Siglir tar il cuntegn

Header

video
Marcus Beer è nov president communal da Glion
Or da Telesguard dals 25.09.2022.
laschar ir. Durada: 2 minutas 15 Secundas.
cuntegn

Presidi Ilanz/Glion Marcus Beer succeda a Carmelia Maissen

Marcus Beer è il nov president communal da Ilanz/Glion. El daventa cunquai successur da Carmelia Maissen ch'è vegnida elegida il matg en la regenza grischuna e che cumenza ses uffizi il schaner 2023. Beer cumenza ses uffizi sco president communal entschatta november 2022.

  • Marcus Beer (senza partida) ha survegnì 896 vuschs
  • Claudio Quinter (Allianza dal Center) 801 vuschs

Cunquai surpassa Beer Quinter: En l'emprim scrutini aveva Marcus Beer fatg il segund meglier resultat cun 505 vuschs - Claudio Quinter è stà da lezzas uras a la testa cun 569  vuschs. Il terz candidat Silvio Dietrich da la Partida socialdemocratica aveva sinaquai retratg sia candidatura en vista al segund scrutini.

audio
Glion: Marcus Beer è il nov president communal
ord Actualitad dals 25.09.2022.
laschar ir. Durada: 2 minutas 13 Secundas.
audio
Glion: Claudio Quinter n'è betg vegnì elegì en il presidi
ord Actualitad dals 25.09.2022.
laschar ir. Durada: 2 minutas 2 Secundas.

Marcus Beer (senza partida)

Avrir la box Serrar la box
Marcus Beer (senza partida)
  • 61 onns
  • creschì si a Breil ed ha fatg il gimnasi a Mustér
  • studegià giurisprudenza a l'Universitad da Friburg
  • stà prorectur da la scola mercantila a Glion
  • dapi l'onn 1991 scolast per roms economics en il Center da furmaziun Surselva a Glion
  • ha manà 11 onns la Scola media spezialisada e commerziala sco er la Scola mercantila en il Center da furmaziun Surselva a Glion

Marcus Beer ha manà 11 onns la Scola media spezialisada e commerziala sco er la Scola mercantila en il Center da furmaziun Surselva a Glion ed è dapi l'onn 1991 scolast per roms economics. L'um da 61 onns descriva sasez sco cooperativ ed avert per bunas ideas, engaschi e creativitad.

Dapli novitads da las vischnancas chattais qua:

RTR novitads

Artitgels legids il pli savens

Scrollar a sanestra Scrollar a dretga