Las bleras vuschs en l'emprim scrutini per il presidi da Glion ha survegnì l'interprendider Claudio Quinter. Il commember da l'Allianza dal Center ha cuntanschì 569 vuschs. Il pli absolut avess muntà a 766 vuschs.
A mai eri conscient che las vuschs en l'emprim scrutini vegnan ad esser fitg gulivadas.
Il candidat independent, Marcus Beer, ha survegnì 505 vuschs.
Quai è natiralmain in fitg bun resultat. Jau n'avess betg quintà cun in'uschè buna tscherna en l’emprim scrutini.
Silvio Dietrich da la partida socialdemocrata ha obtegnì 429 ed uschia las paucas vuschs da l'emprim scrutini. Gist suenter ch'ils resultats èn stads enconuschent la dumengia avantmezdi, ha Dietrich laschà sentir ch'el pondereschia da sa retrair. El veglia dentant avant che pigliar ina decisiun anc discurrer cun tut ils involvids.
La dumengia notg ha el lura communitgà via medias socialas retiria el definitivamain sia candidatura per il segund scrutini. El giavischa a Marcus Beer e Claudio Quinter vinavant in bun cumbat electoral en favur dals da Glion:
Il segund scurutini decisiv per l'elecziun dal nov president communal da Glion en successiun da Carmelia Maissen ha lieu il mais proxim, ils 25 da settember 2022.
La constituziun da la vischnanca da Glion lascha avert tut las opziuns per il segund scrutini. Uschia èsi era pussaivel che novs candidats u novas candidatas pon s’annunziar per il presidi communal.
