Siglir tar il cuntegn

Header

purtret da Ruedi Haller
Legenda: RTR
cuntegn

Dapli giasts Fortuna per il Parc Naziunal Svizzer

Quest onn ha il Parc Naziunal Svizzer registrà bunamain 50% dapli giasts. Radund 200'000 persunas sajan idas a spass en il parc, ha ditg il directur Ruedi Haller, en in'intervista cun la Fundaziun Medias Rumantschas. Praticamain 90% dals giasts eran da la Svizra, blers da la Svizra franzosa.

En pli ha Haller menziunà ch'els hajan er gì fortuna perquai ch'els n'hajan gì nagins cas da corona, ni en il parc ni en il center a Zernez ni en la Chamanna Cluozza.

La Chamanna Cluozza è quintada da renovar ils proxims dus onns per radund 2,5 milliuns francs. Er in project che vegn è la nova inscenaziun da l'exposiziun permanenta en il center dal Parc Naziunal Svizzer a Zernez, ha declerà Ruedi Haller.

Ord l'archiv:

video
Midada tar il PNS: Haller va – Haller vegn
Or da Telesguard dals 16.11.2018.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga