Siglir tar il cuntegn

Header

cuntegn

Parc Naziunal Svizzer La natira – dumandada sco mai

La pandemia da corona ha carmalà passa 200’000 persunas da visitar il Parc Naziunal Svizzer.

In terz dals visitaders da questa stad en vegnids explicit causa la pandemia da corona, in terz dals 200’000 eran novs visitaders, uschia di il directur Ruedi Haller.

Cun diminuir differents projects, cun augmentar il persunal ma era cun realisar damain lavur da mantegniment da sendas e perquai dapli controlla ins ha accumplì tut ils concepts da segirezza. Oravant tut tar il center dal Parc Naziunal ha Zernez ins ha stuì far ina sort triascha gia avant porta. Ma era cun quella mesira han ils visitaders gì d’avair pazienza e spetgar enfin in’ura e mesa.

audio
Parc Naziunal Svizzer - blers visitaders
ord Actualitad dals 14.10.2020. Maletg: RTR, Georg Luzzi
laschar ir. Durada: 2 minutas 59 Secundas.

Bel da salidar – ma betg sin lunga vista

Enfin milli persunas han visità sulettamain la senda la pli enconuschenta en la Val Trupchun e quai durant in di. Sin lunga vista e quai per il directur Ruedi Haller betg propi ideal. Era ils giasts sez giavischan damain travasch cun viandar tras la natira, quai è Haller persvadì.

Cun l' emprima naiv, cun las temperaturas fraidas e natiralmain era cun la finiziun da las vacanzas ins fa quint cun ina marcanta diminuziun da visitaders.

RTR actualitad 07:00

Artitgels legids il pli savens