Il 1988 ha Henry Levy fundà en la chasa da bogn a Nairs sper Scuol in center per promover artists giuvens. Quella giada aveva il center num Binz 39. Durant ils ultims 30 onns han pli che 1'000 artistas ed artists pudì profitar da quella spierta. Il stabiliment è entant vegnì renovà per passa 3,5 milliuns francs e vegn duvrà l'entir onn.
Exposiziun er a favur da la Fundaziun Nairs
Las 117 ovras che vegnan expostas en quella exposiziun san ins cumprar. Il retgav da quella vendita vegn scumpartì en duas parts: Ina mesadad va als artists, l'autra va sco sustegn finanzial a la Fundaziun Nairs.
Ils 30 da december 2017 è a partir da las 15:00 in concert da la gruppa Pilgrims Duo ed a las 17:00 ha lura lieu la vernissascha da l’exposiziun «Spot on Nairs».
RR actualitad 17:00