Siglir tar il cuntegn
Inhalt

Engiadina Avert tut l'onn – il center d’art a Nairs

La fin d'emna dals 26 enfin ils 28 d'avust è la reavertura da la nova chasa d’art contemporana a nairs sper Scuol. Suenter ina renovaziun da radund quatter milliuns francs ha la Fundaziun Nairs uss a disposiziun radund in terz dapli spazi.

Il center d’art contemporan Nairs è vegnì fabritgà dal 1913 en stil neoclassicistic. Fin l'onn 1976 serviva el als giasts da cura sco chasa per far bogns en l’aua minerala. Dapi ils onns 80 vegn nizzegià il stabiliment sco center d'art.

Cumparegliaziun dal maletgs

Stuschar reglader a sanester Stuschar reglader a dretg
Legenda:La passarella en il plan terren avant e davos la renovaziunRenovaziun dal center d'art a Nairs

Dapli spazi grazia a la renovaziun

Cun las investiziuns da passa quatter milliuns francs è vegnì engrondì il spazi da lavurar en il center d'art per radund in quart. Uschia esì vegnì pussaivel dad arver las portas dal center tut l’onn e betg mo durant la stad.

En avegnir vegnan a chattar plazza nov artistas ed artists en las localitads nua ch’els astgan s’inspirar da la chasa renovada ed era dal ambient extraordinari.

Ils mezs finanzials èn vegnids da diversas varts

Radund quatter milliuns e vegnì investids en il project. Il grond import riva da la tgira da monuments federal e chantunal, ma era differentas vischnancas, las vischnancas concessiunarias Engiadina Bassa e numerusas fundaziuns.