Siglir tar il cuntegn

Header

Vista da Sta. Maria en la Val Müstair.
Legenda: Il vitg da Sta. Maria en la Val Müstair spetga dapi decennis sin ina schliaziun per il traffic che passa tras il vitg. ANR
cuntegn

Sviaments A Sta. Maria sumegliant sco a Ferrera

La decisiun da la dretgira federala areguard il sviament da Ferrera/Schmitten haja era consequenzas per il sviament planisà a Sta. Maria en Val Müstair. Da quest avis è la Fundaziun svizra per la protecziun da la cuntrada.

A Sta. Maria haja bain dapli traffic, ma la situaziun saja sumeglianta. Il sviament manass medemamain tras in parc natiral e tagliass ina cuntrada da terrassa cun ina gronda varietad da spezias.

La Fundaziun per la protecziun da la cuntrada repeta perquai sia pretensiun da sistir il project da sviament Sta. Maria en Val Müstair. Enstagl sajan da resguardar sistems intelligents per reglar il traffic.

RR novitads 12:00