Siglir tar il cuntegn

Header

Video
Il project da sviament a Schmitten ha fatg naufragi - co vinavant?
Or da Telesguard dals 07.11.2019.
laschar ir
cuntegn

Ferrera/Schmitten Vinavant sperar sin sviament

Suenter ch’il Tribunal federal ha bloccà ils plans per il sviament sid a Farrera/Schmitten en val d’Alvra èsi cler. Il chantun vul tschertgar ina nova varianta. Era la varianta d’in tunnel pudess puspè daventar tema.

«Il plan b sto esser insanua tranter signal da traffic e tunnel, impurtant è ussa dad analisar la decisiun dal Tribunal federal ensemen cun la vischnanca», ha ditg Mario Cavigelli, il parsura da l’uffizi da construcziun e traffic envers RTR. Enfin ch’in nov project po vegnir realisà, possia quai dentant anc ir plirs onns.

President communal è trumpà

Tar la vischnanca èn ins trumpà suenter la decisiun dal Tribunal federal: «Il Tribunal federal ha valità pli aut la protecziun da la natira che la protecziun da l’uman – pertutgads èn surtut quels che abitan a Ferrera, e quels ston ussa probabel puspè spetgar plirs onns sin ina nova schliaziun», ha ditg Hubert Weibel, il president communal da Ferrera.

Tribunal federal vul proteger la cuntrada

Ier è vegnì enconuschent, ch’il Tribunal federal vul evitar, che la cuntrada da terrassas vegnia unfrenda d’in nov vial. Tranter auter vegn argumentà, ch’i sa tractia d’ina cuntrada che vegnia abitada dad insects, utschels e reptils che sajan per part periclitadas. La dretgira administrativa dal Grischun aveva anc refusà in recurs da las organisaziuns da l’ambient.

RR actualitad 17:15