Siglir tar il cuntegn

Header

cuntegn

Analisa L'uniun purila fa squitsch pervi da situaziun pli e pli tendida

Regularmain s’annunzia l’Uniun purila grischuna cun cloms d’agid pertutgant la situaziun en connex cun ils animals da rapina. «Nunsupportabla» saja la situaziun actuala ha ditg il president Thomas Roffler. Tge è sa midà sch'ins cupareglia il mument uss cun ils onns passads?

En emprima lingia datti mintg’onn dapli lufs. Tenor ils experts sa duplitgescha il dumber da lufs mintga 2 enfin 3 onns. Plinavant èn adina dapli purs e puras pertutgadas directamain d'attatgas da lufs sin lur muntanera. Era avant 5 onns sulet la Surselva pertutgada da la preschientscha dal luf, èn ussa quasi tut las regiuns Grischunas pertutgadas. E cumpareglià cun il medem temp da l'onn passà han lufs stgarpà, cun 39 animals, gia bunamain il dubel questa primavaira.

La finamira da l'uniun purila è da far pressiun sin la politica chantunala e federala cun far pretensiuns. Ils mulins politics molan dentant plaun uschia ch’ils purs dovran pazienza enfin che lur pretensiuns vegnan -sche insumma- messas enturn en la practica.

Reto Pfister

Reto Pfister

Producent Surselva / GR Central

Avrir la boxa da profil Serrar la boxa da profil

Reto Pfister è producent e redactur per las regiuns Surselva e Grischun Central.

RTR actualitad 17:00

Artitgels legids il pli savens

Scrollar a sanestra Scrollar a dretga