Uffants plazzads e mesiras repressivas en il Grischun

Gia las expressiuns laschan sminar ch'il tema è difficil: Davart «mesiras repressivas per motivs da provediment» e «plazzaments en lieus esters» vegn perscrutà da preschent en il Grischun. E quai en differents projects: Il davos onn ha in gruppa enturn l'istoricra Tanja Rietmann intercurì las actas uffizialas per savair meglier co che las autoritads grischuns funcziunavan. En il project da l'Archiv grischun per la cultura da las dunnas fa Silke Margherita Redolfi intervistas scientificas cun uffants plazzads ed autras persunas ch'eran pertutgadas da mesiras repressivas e per part er d'abus. E gia publitgà è il cudesch «Niemandskinder», en il qual Christine Luchsinger ha retschertgà l'istorgia da la fundaziun «Gott hilft» che ha pliras chasas da tgira en il Grischun.

L'emissiun Vita e cretta dat ina survista da las lavurs da perscrutaziun e vul savair: Quant lunsch è il Grischun cun elavurar il passà?

Il pled sin via da questa dumengia fa l'anteriura politicra ed intermediatura da cultura Anna Ratti.

Redacziun: Rafael Müller

Contribuziuns

Autur/a: rtr/rem