Rogaziun federala – in firà interreligius?


«Dem Bettag eine Zukunft geben» è titulà in nov cudesch edì dals teologs Eva-Maria Faber e Daniel Kosch. 27 auturAs scrivan da l'istorgia, da la muntada e da l'avegnir da la Rogaziun federala.

Il firà ha ina lunga istorgia ed è il sulet firà interconfessiunal ordinà dal stadi. Pli baud eri scumandà dad ir a sautar e lavar l'auto la dumengia da la Rogaziun federala. Oz è la situaziun dal firà che vegn celebrà la terza dumengia da settember in pau in'autra: La multifariadad religiusa crescha e cun ella la dumonda d'integrar novas cumminanzas religiusas en il firà.

Co vegn il di celebrà ozendi? E co en avegnir? – Resposta dattan la professuressa da teologia Eva-Maria Faber, la decana grischuna da la baselgia evangelic-refurmada Cornelia Camichel-Bromeis e Mariano Tschuor ch'è in dals auturs dal cudesch.

Il pled sin via fa Mario Pinggera. Il prer da Richterswil discurra da las varts sumbrivantas da Luther e Calvin e da l'incumbensa da la baselgia.

Contribuziuns

Redacziun: Rafael Müller