Philipp Tuor – Ils uffants han vis fitg concret la differenza

Il servetsch psicologic ha cunzunt da sa fatschentar cun ils uffants a l'ur – ils talents u quels cun grondas difficultads en scola.

Tenor il psicolog da scola dal territori rumantsch da la Surselva, Philipp Tuor, n'haja dentant betg dà dapli problems psichics pervia dal lockdown. Dentant saja sa mussà, che scolars ferms u talentads n'han uss betg pli uschè grond gust dad ir a scola. Els han vis la differenza tranter homescooling e l'instrucziun da preschientscha.

Ils pensums eran fatgs en curt temp ed ils uffants talentads han uschia gì dapli temp liber. E quai è bler pli bel che seser en scola e repeter chaussas ch'els han gia daditg chapì.

Ils flaivels pateschian sin in'autra moda, manegia Philipp Tuor. Els hajan bregias da structurar lur lavur, la disciplina manchia, els na sappian betg far ils pensums persuls. Els dovrian pli fitg il contact cun il scolast. Per ils uffants flaivels saja la situaziun dal lockdown stada bler pli greva.

 

 

 

Contribuziuns

  • Discuors cun Philipp Tuor

  • Pled sin via da Christina Tuor

Redacziun: Claudia Cathomen