Las baselgias chantunalas e lur urdens da finanzas

Tgenina plaiv survegn quants raps tenor tgenins criteris? Ed emprovan las baselgias chantunalas da far uschia pressiun en direcziun da fusiuns da plaivs?

Il 2015 ha la Baselgia catolica grischuna mess en vigur il nov urden da finanzas. Quel reglescha las contribuziuns che las plaivs catolicas survegnan. Il sistem nov ha provocà discussiuns davart il sforz a fusiuns per ademplir las premissas per survegnir sustegn finanzial. Quatter onns è il sistem en vigur e funcziuna sco ch'i para, er schi dat plaivs che n'han betg fusiunà.

La Baselgia evangelica refurmada dal Grischun fa er ponderaziuns da midar il sistem. Sumegliant sco la baselgia catolica vul er la baselgia refurmada ir davent dal sistem da cuvrir deficits ad in sistem cun contribuziuns pauschalas. Ella vul dentant guntgir in sforz da fusiuns.

En lemissiun Vita e Cretta dain nus in sguard sin ils dus urdens da finanzas.

Il pled sin via vegn questa dumengia da Patrick Brand che sa fatschenta cun l'istorgia dal «figl pers».

Contribuziuns

Redacziun: Hugo Schär