Co s'engaschan las baselgias grischunas per ils fugitivs?

En fatscha a la situaziun dals fugitivs ha la baselgia catolica dal chantun Turitg decidi da metter ad ir in post spezial per coordinar la lavur voluntara cun e per fugitivs. Quest post vegn integrà en l'ovra d'agid Caritas e duai sustegnair las plaivs en lur engaschi.

Bravo - pon ins qua be dir. Ils catolics da Turitg daventan concrets e sustegnan cun finanzas e resursas professiunalas l'engaschi per ils fugitivs.

Co vesi ora en il Grischun? Datti insatge sumegliant era qua? U fiss quai ina buna idea? En il Vita e cretta raquintan Placi Berther, president d'administraziun dal Corpus catolicum e Cornelia Camichel, decana dals refurmads, davart ils sforzs da lur baselgias.

Il predi da questa dumengia fa Andrea Cathomas.
Redacziun: Chatrina Gaudenz

Contribuziuns

Autur/a: RTR/oc