Clau da Flia ed il parcadi a Flüeli

L'onn 2017 è stà l'onn da dus giubileums religius: Dasper ils 500 onns da la refurmaziun è er il 600avel anniversari da frà Clau da Flia vegnì commemorà multifaramain. Il Radio Rumantsch ha durant l'entir onn rapportà dals giubileums e da las occurrenzas e festivitads.

Ina istorgia pli persunala raquintain nus en la davosa emissiun da Vita e cretta da l'onn. Numnadamain quella d'in um ch'è ì cun sia famiglia a Flüeli-Ranft ed era là surstà dals autos luxurius sin il parcadi a Flüeli e da la sava isada da la chamona da frà Clau.

Il pled sin via tegna sur Dirk Jasinski.

Contribuziuns

Redacziun: Rafael Müller