Charles Nguela: «Senza respect na pon ins betg far comedy»

Actualmain è il cumediant Charles Nguela sin turnea en Svizra cun ses terz program. Quel sa numna «Respect». Respect è la basa da la societad. «Co jau tract mes conumans, vuless er jau vegnir tractà», quai di il cumediant Charles Nguela en vita e cretta. Comedy e respect van bain ensemen e fan senn. Senza respect na funcziuna comedy betg. Far legher pon ins sur da bler. Ma i dependa co ch'i vegn formulà. E tuttina datti er temas da tabu, temas che n'èn mai leghers.