Siglir tar il cuntegn

Header

audio
La nova cumparsa da Windws 11.
Microsoft
laschar ir. Durada: 04:59 minutas.
cuntegn

Windows 11

Anc quest atun duai cumparair la nova versiun dal pli frequent sistem per computers e laptops. Dacurt ha Microsoft preschentà las novaziuns e midadas.

La cumparsa sa mida

Tranter auter èn las fanestras dals programs da nov lev transparentas sco in vaider turbel. Plinavant n'è il buttun da start sin en la glista giudim il monitur betg pli da la vart sanestra mabain ensemen cun las iconas da programs entamez la glista. Tut po però er vegnir midà enavos en il stil vegl.

Novaziuns tar las funcziuns

  • Teams (program per conferenzas da video e telefon) è da nov directamain part dal sistem.
  • Er la purschida da la consola da gieus X-box è da nov part dal sistem.
  • Il sistem porscha sper maximar e minimar finiastras er la pussaivladad da parter si il monitur e plazzar ellas sin ina mesadad, sin in quart u en autras cumbinaziuns

«Appstore» duai vegnir pli avert

La purschida d'applicaziuns da Microsoft era fin uss in zic in puct flaivel. Da nov duai tranter auter era esser pussaivel da duvrar applicaziuns da Google ed Android. Plinavant duain programmaders er pudair porscher programs pli vegls e decider sez davart la moda e maniera da pajar.

I dat gia critica

Tscherts purschiders da programs crititgeschan malgrà las stentas d'avrir l'appstore che Microsoft nizzegia ses monopol. Quai cun integrar directamain agens programs sco Teams en il sistem ed uschia tegnair sut la concurrenza.

Dapli da «Il Digitip - il tip digital»avrir la landingpage

Scrollar a sanestra Scrollar a dretga