Mardi saira ha Cuira 97 gudagnà en la segunda liga interregiunala cunter il davos da la tabella, Weesen. Quai cleramain cun 5:1. En la tabella resta Cuira però sin plazza 6.
Sonda avant duas emnas avevan ils ballapedists grischuns da Cuira 97 anc pers en il chantun Son Gagl la partida da la 2. liga interregiunala cunter Wil 1900 cun 1:2.
Schluein/Glion ha pers ordaifer cunter il FC Landquart cun 3:4. Schluein/Glion resta malgrà questa terrada sin plaz dus da la tabella da la terza liga.
Victoria per il CB Trun/Rabius: L'equipa sursilvana gudogna ordaifer cunter il FC Mels cun 2:0. Grazia a questa victoria sa distanziescha Trun/Rabius per set puncts dad in plaz da relegaziun. E quai cun in gieu pli pauc.
Il viadi da passa trais uras e mesa da l'Appenzell en il Puschlav ha il club da ballape fatg per nagut. Il FC Herisau perda ordaifer cunter Valposchiavo Calcio. Ils Puschlavins battan ils Appenzellais cleramain cun 5:0. Tut ils gols èn crudads en l'emprima mesadad. Grazia a questa victoria fa Valposchiavo in grond pass dal dieschavel sin l'otavel plaz da la tabella.
