Per l’emprima giada al Lauberhorn sco voluntari è Bruno Pfister da Schlans. El saja in grond fan dal sport da skis ed il giavischà saja gia adina stà da s’annunziar per in tal post tar quellas cursas a Wengen.
Pfister ha survegnì l’incumbensa da controllar l’access en la zona da VIP e dal las medias en l’arrivada. El è uschia quasi l’entir di sin ses post e mira che mintgin haja er la dretga accreditaziun. Cun esser en l’arrivada è el er fitg datiers als atlets e vesa tge che cura e passa en la cursa.
Gidantras e gidanters dovri dapertut, davant e davos las culissas, sper e sin pista, là dovri in mantun glischnaders. Il comité d’organisaziun è avisada sin quest agid, e quai durant tut ils dis da cursa, principal la sonda tar la cursa rapida dal Lauberhorn. Las persunas voluntaras fan quai ord plaschair e betg per la paja. Paja na datti nagina, els han simplamain albiert e dunsena.
Blers dad els fan quest job dapi onns, savens er en auters lieus da la cuppa mundiala sco a Bormio u a Kitzbühel, auters èn per l’emprima giada da la partida sco Bruno Pfister da Schlans.
