La moziun per introducir in model da direcziun è vegnida inoltrada gia avant quatter onns – dentant pir ussa ha il cussegl communal pudì decider da quai per mauns da l’urna. Igl ha duvrà ina segunda lectura dals singuls statuts per in model da direcziun che separa la strategia communala dals duairs operativs.
Avant quatter onns ha la suprastanza communala da princip sustegnì l'idea d'in tal model – la nov’elegida suprastanza ha bain elavurà ensemen cun ina cumissiun ils detagls ed il messadi correspundent en il senn da la moziun – ha dentant fatg la proposta da refusar in model da direcziun. In dals motivs principals è ch'i dettia cun ina direcziun in ulteriur stgalim hierarchic e quai na saja betg en il senn da l'idea uriunda da far tut pli simpel.
L'ultim pled en chapital ha ussa ils 30 da zercladur il suveran a l'urna.
