Radund 50 persunas èn vi da rumir l'areal cun camiuns e maschinas grevas. Cunzunt las tendas per las bavrondas ston ins anc bajegiar giu.
Là nua che las tendas èn stadas e las persunas han campà ves'ins strusch pli fastizs. Gronds donns vi dal prà, er là nua ch'ils parcadis èn stads, na dettia betg. Ch'il prà n'haja betg dapli fastizs, possia giaschar vidlonder ch'i n'ha betg pluvì e gì pli paucs visitaders e visitadras ch'autras giadas. Tenor ils organisaturs e las organisaturas saja il public er pli conscient e na laschian betg enavos uschè savens lur tendas e ruments.
La bilantscha
Da gievgia fin sonda ha a Degen gì lieu il 37avel Open Air Val Lumnezia. L’ediziun da quest onn è ida sur tribuna senza pli gronds incaps. Ils acts naziunals ed internaziunals han procurà per in’atmosfera allegraivla.
L’Open Air Lumnezia n’è betg stà vendì ora il 2023. Tenor il president dal comité d’organisaziun Norbert Cavegn schai quai per ina vi dad in’accumulaziun da concerts ed in auter ponderar da la giuventetgna suenter il temp da corona. La finala han tuttina bun 18’000 persunas chattà la via enta Degen – tge ch’è be paucs 100 persunas sut la capacitad dal festival.
-
audioOpen Air Lumnezia: Ils fastizs il glindesdi04:26 min, ord Actualitad dals 24.07.2023. Maletg: RTRlaschar ir. Durada: 4 minutas 26 Secundas. -
audioNorbert Cavegn e Catia Tschuor cun lur highlights03:11 min, ord Openair – live dals 22.07.2023.laschar ir. Durada: 3 minutas 11 Secundas. -
audioOpen Air Lumnezia 2023 – ina bilantscha04:25 min, ord Actualitad dals 24.07.2023. Maletg: RTRlaschar ir. Durada: 4 minutas 25 Secundas. -
audioNorbert Cavegn e Catia Tschuor, open air betg vendì ora05:47 min, ord Openair – live dals 22.07.2023.laschar ir. Durada: 5 minutas 47 Secundas.
Quels han lura pudì giudair in festival gartegià. Be la gievgia hai dà ina panna tecnica cun il sistem da cashless. Entras quai è l’areal da festa vegnì avert in pau pli tard. Il venderdi è l’aura stada fitg variabla. Da nivels e sulegls fin urizis hai entaifer paucas uras dà in pau dal tut.
Impressiuns, intervistas, contribuziuns ed ils livetickers dals trais dis chattais vers la fin da quest artitgel.
Musicalmain varià
Il start dal festival è il di svizzer. Quest onn èn qua sa preschentads tranter auter la suletta gruppa rumantscha «ladunna» che ha persvas era be cun ina pitschna furmaziun. In dals highlights da quai di era il concert da Stefanie Heinzmann ch'ha en connex cun l’acziun «Raise Your Vusch» chantà ses hit «Build a House» per rumantsch. Quai cun agid d’ina gruppa mattatschas che han l'emprim mussà a la Vallesana il text e silsuenter dastgà chantar cun ella sin tribuna gronda.
Venderdi è stà in di plain energia cun gruppas da rock sco per exempel «Annie Taylor» ubain il duo da rock englais «Royal Blood». Per il punct final ha il DJ e producent «Robin Schulz» procurà. Il tudestg ha prendì cun el dus camiuns plain pirotecnica e cun quai furnì ina show immensa.
La sonda ha purschì ina u l’autra surpraisa positiva. Il chantadur «Andryy» e la chantadura «Joya Marleen» han mintgamai cumenzà cun pauca glieud avant tribuna, han dentant pudì carmalar blera glieud davant la tribuna. Sco finiziun èn ils veterans dal rap tudestg «Die Fantastischen Vier» vegnì curt avant mesanotg sin tribuna ed han purschì ina show impressiunanta – musicalmain, atmosferic e senza pli gronds effects spezials.
Fastiz ecologic al Open Air Lumnezia
Dapi trais onns ha l'openair in concept da persistenza. Dapi lura mira la firma da Tanja Kreis che tant material reciclabel sco pussaivel chattia puspè la via en il recicladi. Cun la decisiun d'introducir bitgers reutilisabels, datti pli paucs ruments «selvadis». Sin ils plaz da tendas possian ins anc optimar inqual chaussa per sminuir ils ruments. Il tema «persistenza» prendia mai fin.
Live da l’Open Air Lumnezia
Nus avain rapportà live dals trais dis da festa. Cun ils livetickers da gievgia, venderdi e sonda pudais anc ina giada recapitular quels e sfegliar las fotografias.
En la lounge davos la tribuna avain pudì beneventar plirs osps durant questa fin d’emna. Stars internaziunals sco Mike Kerr da «Royal Blood» sco era matadors locals sco «Breitbild» e «ladunna».
Per tuts che n’han betg pudì vegnir a Degen a l’Open Air Lumnezia u quels e quellas che vulan anc ina giada guardar avain registrà ils concerts da la gievgia saira.
Er en il radio avain nus rapportà per vus pliras uras live ed avain discurrì cun persunas sin l’areal e davos las culissas.
-
audioDominic Pohle – il ticker e fotograf per RTR a Degen03:36 min, ord Openair – live dals 22.07.2023. Maletg: RTRlaschar ir. Durada: 3 minutas 36 Secundas. -
audioErwin Capeder – cun passiun davos la roda dal bus03:56 min, ord Actualitad dals 22.07.2023. Maletg: RTRlaschar ir. Durada: 3 minutas 56 Secundas. -
audioLavur davos las culissas a l'Open Air Lumnezia01:51 min, ord Openair – live dals 22.07.2023. Maletg: RTRlaschar ir. Durada: 1 minuta 51 Secundas. -
audioLavurs da nettegiar la damaun a l'Open Air Lumnezia03:50 min, ord Actualitad dals 22.07.2023. Maletg: RTRlaschar ir. Durada: 3 minutas 50 Secundas. -
audioL'atmosfera durant l'emprim concert04:22 min, ord Openair – live dals 20.07.2023. Maletg: RTRlaschar ir. Durada: 4 minutas 22 Secundas. -
audioDuas rumantschas avran l'Open Air01:17 min, ord Openair – live dals 20.07.2023. Maletg: RTRlaschar ir. Durada: 1 minuta 17 Secundas. -
audioCo è l'atmosfera tar ils emprims al lieu? Dorian e Renato05:00 min, ord Openair – live dals 20.07.2023. Maletg: RTRlaschar ir. Durada: 5 minutas. -
audioCo èn ils visiturs e las visituras messas si?08:20 min, ord Openair – live dals 20.07.2023. Maletg: RTRlaschar ir. Durada: 8 minutas 20 Secundas. -
audioLas ultimas preparativas per l'Open Air Lumnezia04:31 min, ord Actualitad dals 19.07.2023. Maletg: RTRlaschar ir. Durada: 4 minutas 31 Secundas.
Anc dapli cuntegns chattais era sin ils chanals da Instagram, TikTok, Youtube e Facebook.
