Gl’unviern sto ord la tiara
Gl’unviern sto ord la tiara,
Nus lein el buca pli.
O primavera cara
Tier nus neu ussa ti.
Gl’unviern quei um selvadi
Quel lein nus bandischar
En nies pign vischinadi
Stoi primavera far.
Jeu brattel uss il greffel
Cul fest d’empaladur.
Sch’ei dat er enqual sgreffel.
Gl’ei bi sin prau ed ur.
Verset sco PDF
(Cudischs per nos pigns I, Canzunettas e Versets, Ligia Romontscha Cuera 1946, M.C.)