Siglir tar il cuntegn

Header

Navigaziun

Chasa sper ina planata cun si naiv.
Legenda: RTR
cuntegn

Versets e poesias (Sursilvan) Gl’unviern sto ord la tiara

Gl’unviern sto ord la tiara

Gl’unviern sto ord la tiara,
Nus lein el buca pli.
O primavera cara
Tier nus neu ussa ti.

Gl’unviern quei um selvadi
Quel lein nus bandischar
En nies pign vischinadi
Stoi primavera far.

Jeu brattel uss il greffel
Cul fest d’empaladur.
Sch’ei dat er enqual sgreffel.
Gl’ei bi sin prau ed ur.

(Cudischs per nos pigns I, Canzunettas e Versets, Ligia Romontscha Cuera 1946, M.C.)