La canzung digl tgavrer
Tge bela vet’è chella
per me tgi sung tgavrer,
va cumpagneia bela
digl cumarat nurser.
Tralalala tralalala
digl cumarat nurser.
Marvegl ansolva ia
cafe e bulzania
met ain en toc tschigrung,
e pegl mies corn e sung.
Tralala, tralala
e pegl mies corn e sung.
Las femnas chellas saglian
las tgoras laschigl or,
las tgoras chellas beschlan,
tgi bass e tgi tenor.
Tralala, tralala
tgi bass e tgi tenor.
Vign sen las otas pizzas
va lo en bung liet,
i vignan sez las ghizzas,
ed i’poss star chiet.
Tralala, tralala
ed i’poss star chiet.
(igl cumpogn, Codesch da canzungs, Ediziun: Uniun rumantscha da Surmeir, 1987)