Per temps spezials han ils umans usits spezials. Il temp cura che l'onn va a fin ed in nov entschaiva è uschè in temp spezial. I dat blers differents usits per festivar quest temp. Tals usits datti sin l'entir mund. Mo intgins datti mo en Svizra ed auters schizunt mo en il Grischun.
Pertge festivain nus Bumaun?
La notg da Son Silvester sin Bumaun mida il chalender davent d’in onn sin il proxim. Pia raschun da festivar l’onn nov. Mo pertge è quai exact lura e danunder vegn la tradiziun da las rachetas da Son Silvester?
Silvester da scola
Il silvester da scola è in usit ch’ils uffants celebreschan a Turitg la fin da l'onn. La damaun da las 5.00 van ils uffants tras la citad e fan canera e lumparias. Els fan tantas lumparias ch’il dat da quels che vulan scumandar il silvester da scola.
Bärzeli
Il Bärzeli è in usit d’enviern che vegn celebrà ils 2 da schaner en il chantun Argovia.Persunas mascradas van cun gronda canera tras vischnanca e giavischan in bun onn.
Chantar dals trais sontgs retgs
Chantar dals trais sontgs retgs è in usit che vegn celebrà en bleras vischnancas catolicas era en il Grischun. Uffants vestgids sco ils trais sontgs retgs van ils 6 da schaner da chasa tar chasa per chantar la chanzun dals trais retgs e per rimnar raps.
Silvester vegl
Quai usit vegn celebrà ils 13. da schaner en il chantun da Appenzell. Persunas mascradas van cun plumpas da chasa tar chasa per giavischar in bun onn. Quai vegn fatg ils 13 da schaner tenor il chalender vegl.
Film da Silvester cun lunga tradiziun
In ritual da Silvester è era il fim «Dinner for one», che vegn mussà dapi 50 onns da quasi tuttas staziuns en Europa il di da Silvester.