Lexicon T - Temp da glatsch

Sco temp da glatsch vegn numnà in chapitel en l'istorgia da la terra nua che almain in pol da la terra è englatschà. Tenor in'autra definiziun pon ins discurrer d'in temp da glatsch pir lura cura ch'i ha sin l'emisfera nord sco era sin l'emisfera sid vastas englatschadas. Tut tenor definiziun hai fin uss dà quatter fin set temps da glatsch. Mintga temp ha cumpiglià ina perioda da plirs tschientmilli fin plirs milliuns onns. Tranteren hai dà differents lungs temps da clima chaud.