Siglir tar il cuntegn

Header

video
Syrien
Or da Minisguard dals 11.02.2012.
laschar ir. Durada: 3 minutas 17 Secundas.
cuntegn

Lexicon S Siria

Gia dapi plirs onns datti problems severs en la Siria. Ina part dal pievel demonstrescha adina puspè. I ha gia dà millis morts e nagin fa insatge encunter.

Gia dapi plirs onns datti problems severs en la Siria. Adina puspè demonstrescha ina part dal pievel dal pajais african sur emnas encunter la regenza. I ha gia dà millis morts e nagin fa insatge encunter la violenza da la regenza da la Siria envers l'agen pievel. Ma pertge na fa nagin insatge encunter? Il Minisguard orientescha davart ils conflics en la Siria.

Sut controlla

Il pievel da la Siria sto avair tema da lur president Assad. Tut tgi ch'è encunter el vegn mess en praschun ubain perfin mazzà. Il plan da pasch da l'ONU, l'Organisaziun da las Naziuns Unidas, duai garantir pasch en la Siria. Perquai visitan observaturs da l'ONU la Siria e discurran cun la glieud. Vinavant ha l'ONU introducì sancziuns encunter la Siria. Muntan sancziuns ch’ils abitants da la Siria ston anc endirar dapli?

video
Bürgerkrieg Syrien
Or da Minisguard dals 28.04.2012.
laschar ir. Durada: 1 minuta 19 Secundas.

Nagin ruaus en la Siria

Cun demonstraziuns pretenda il pievel ch’il president Assad sa retiria. Sco president da la Siria e schef da l’armada fa el perfin guerra cunter il agen pievel, il pievel ch’è encunter el. Tenor il plan da l’ONU na dastga Assad betg pli trametter l’armada cunter il agen pievel. Ma, sa tegna el vidlonder?

video
Erklärstück Sanktionen
Or da Minisguard dals 28.04.2012.
laschar ir. Durada: 2 minutas 48 Secundas.

Il rapport da l'Organisaziun da las Naziuns Unidas demussa cler. En la guerra da la Siria è vegnì cumbattì cun armas chemicas.

video
Giftgas im Bürgerkrieg Syrien
Or da Minisguard dals 21.09.2013.
laschar ir. Durada: 5 minutas 1 Secunda.

Il president da la Siria, Baschar al Assad, duai laschar entrar experts en il pajais e laschar destruir tut las armas chemicas. Quai tuna bain n'è dentant betg simpel.

Attatga militara cunter la Siria

La notg da venderdi ils 13 d'avrigl sin sonda ils 14 d'avrigl 2018 han ils Stadis Unids, la Frantscha e la Gronda Britannia attatgà la Siria.

video
Attatga militara cunter la Siria
Or da Minisguard dals 14.04.2018.
laschar ir. Durada: 1 minuta 10 Secundas.

Viver lunsch davent da chasa

La guerra en la Siria e la crisa dals fugitivs ha da bler da discutar en ils ultims onns. Mohammed ha scrit davart ses viadi da la Siria en svizra ed è cun quai text daventà segund en ina concurrenza da scriver a Landquart, il lieu nua che il giuven da 10 onns viva uss cun sia famiglia. Nus avain discurrì cun el davart ses lieu da derivanza, il viadi qua en svizra che el ha tematisà en ses text ed il nov da chasa.

video
Premi per autur da 10 onns: Mohammed
Or da Minisguard dals 02.06.2018.
laschar ir. Durada: 3 minutas 30 Secundas.

En l'Irlanda spetga Alma sin la decisiun, sch'ella dastga restar. Entant ha'la emprendì da sunar clavazin.

video
Alma è fugida da la Siria en Irlanda
Or da Minisguard dals 02.06.2018.
laschar ir. Durada: 1 minuta 40 Secundas.

Artitgels legids il pli savens