Il punct culminant per bleras sportistas e blers sportists d'enviern ha lieu en l'Engiadina, il maraton da l'Engiadina. L'onn 2012 èn passa 12'000 persunas sa participadas. Il Minisguard mussa quanta energia ch'ins dovra per tegnair atras ils 42 kilometers dal maraton. Plinavant dumondan uffants il schef dal maraton daco ch'ins dastgia pir sa participar a partir da 16 onns.
Far passlung sur ils lais schelads
Il maraton da l’Engiadina cumenza a Malögia e va fin S-chanf. E sin quest traject da 42 kilometers va la loipa sur trais lais ch’èn schelads ora. Il glatsch sin quels lais sto pia tegnair tant la glieud sco era las maschinas da far la loipa da passlung.
Tschairar skis
Unscher skis è impurtant sch’ins vul esser sperts. Quai vala oravant tut per ils profis da skis, aissa e passlung. Là sa la dretga tschera sin ils skis decider tranter victoria ed ina terrada. Pertge che quai è uschia decisiv pudais guardar qua...