Siglir tar il cuntegn

Header

cuntegn

Lexicon I Internet

Surfar en l'internet, giugar gieus, guardar films, quai fa ozendi bunamain mintgin. Ma attenziun!

En l’internet pon ins cuntentar bleras mirveglias. Ins chatta bunamain tut tge ch’ins tschertga - e mintgatant perfin anc dapli. Intginas paginas d’internet pon dentant esser nuschaivlas e privlusas per uffants, ellas èn destinadas mo per creschids. Perquai datti maschinas da tschertgar en l’internet ch’èn fatgas extra per uffants.

Il dretg dad emblidar

Ina giada ch’ina fotografia ubain in film è en l’internet èsi grev da puspè stizzar el. Quai sa esser in grond problem sch’i sa tracta da maletgs penibels ubain ord ina autra fasa da vita.

Ina giada online adina online?

Co pon ins stizzar dal tuttafatg ina foto da l'internet - tips e trics.

video
Ina giada online adina online?
Or da Minisguard Plus dals 18.06.2015.
laschar ir. Durada: 2 minutas 24 Secundas.

Finì cun Whatsapp?

Dapi il matg 2018 datti ina nova lescha per la protecziun da datas en l'UE. E perquai ha Whatsapp midà las cundiziuns d'utilisaziun ed ils utilisaders ston uss esser 16 onns vegls.

video
Finì cun Whatapp?
Or da Minisguard dals 09.06.2018.
laschar ir. Durada: 3 minutas 13 Secundas.

Paginas d'internet privlusas

Surfar en l'internet, giugar gieus, guardar films, quai fa ozendi bunamain mintgin. Ma attenziun: tranteren datti paginas d'internet privlusas d'interpresas ch'emprovan da fregar la glieud. Sch'ins arriva sin ina tala pagina, lura survegnan ins in quint ed ins na sa betg pertge.

Surfar en l'internet, giugar gieus, guardar films, quai fa ozendi bunamain mintgin. Ma attenziun: tranteren datti paginas d'internet privlusas d'interpresas ch'emprovan da fregar la glieud. Sch'ins arriva sin ina tala pagina, lura survegnan ins in quint ed ins na sa betg pertge. La pagina Opendownload.de, ina pagina per chargiar gieus e programs da computer è uschia ina pagina.

video
Teurer Download
Or da Minisguard dals 16.08.2009.
laschar ir. Durada: 3 minutas 36 Secundas.

Uffants en l’internet: Resultats d'in studi

Co van uffants enturn cun l'internet? In studi beltg, fatg cun uffants tranter 8 e 12 onns, ch’è vegnì preschentà il schaner 2015 pretenda che blers uffants beltgs possian ir en l’internet senza surveglianza dals geniturs. E quant gronds èn ils privels propi?

video
Studi internet
Or da Minisguard dals 07.02.2015.
laschar ir. Durada: 54 Secundas.

Co nizzegian scolaras e scolars da Zuoz l'internet? Èn ils uffants grischuns conscients dals privels ch’i dat en l’internet? E tge tips dattan els als geniturs sco proteger ils uffants.

Neutralitad en la rait

Fin ussa era la rait dapertut medem sperta. Quai vala dapi il december 2017 betg pli - en ils Stadis Unids da l'America è la neutralitad en la rait egnida abolida. Tgi che paja dapli, obtegn era ina rait pli sperta.

video
Neutralitad en la rait
Or da Minisguard dals 16.12.2017.
laschar ir. Durada: 1 minuta 22 Secundas.

Artitgels legids il pli savens