Siglir tar il cuntegn

Header

video
Emprendissadi
Or da RTR dals 28.11.2017.
laschar ir. Durada: 2 minutas 29 Secundas.
cuntegn

Lexicon E Emprendissadi

Sistem da scola dual u ditg auter, quai è il sistem da scolaziun professiunala. La Svizra è in dals paucs pajais che scolescha ils emprendists sin quella moda speziala. Sper la lavur ston ils emprendists numnadamain er ir a scola. Co quai sistem funcziuna declerain nus en il Minisguard.

Fiutscher 2017

L’exposiziun da professiuns preschenta differentas professiuns. Davent dal miradur, sur la frisunza fin tar l'ortulan pon ins emprender d'enconuscher dal tut. Durant la «Fiutscher» pon scolaras e scolars guardar e dumandar, dentant cunzunt era empruvar ora sez. Raiver sin in pitschen culm, resgiar, construir mirs - quasi tut è pussaivel. E cler che glieud che lavura gia sin il mastergn, po respunder dumondas e declerar tut en detagl.

video
Fiutscher
Or da RTR dals 28.11.2017.
laschar ir. Durada: 10 minutas 5 Secundas.

Di da l’avegnir

Mintg’onn a l’entschatta da november datti en Svizra in di da l’avegnir. Durant quest di pon uffants accumpagnar lur geniturs u lur parents en lur mintgadi da lavur. Il Minisguard accumpogna dus uffants durant lur visita en dus mastergns totalmain differents. Il Minisguard accumpogna uffants en l’ospital chantunal a Cuira e la Ems Chemia a Domat.

video
Di da l'avegnir
Or da RTR dals 28.11.2017.
laschar ir. Durada: 2 minutas 44 Secundas.

World skills 2017 ad Abu Dhabi 2017

La medaglia dad aur dad Irina Tuor è ina dad 11 medaglias d'aur che curuneschan il success da la squadra svizra als World Skills. En tut han ils 38 Svizzers gudagnà 11 medaglias d'aur, 6 d'argient e 3 da bronz.

video
Per tge vai als World Skills?
Or da Battaporta dals 09.10.2017.
laschar ir. Durada: 2 minutas 21 Secundas.

Fiutscher 2018

La decisiun tge emprendissadi insumma far, n'é betg simpla. Fiutscher duai gidar scolaras e scolars da decider. Ma la clamada ch'ins tscherna na sto betg esser quella ch'ins fa enfin la pensiun. Ed emprendissadi po e duai gidar tar l'integraziun da persunas giuvnas. Sco tar Hanibal Meseret: El vul star sin atgnas chommas e gudagnar ses raps qua en Svizra. Perquai vuless el uss far in emprendissadi. Cunquai ch'el è emigrà da l’Eritrea, n'è ses plan dentant betg uschè simpel da realisar.

Artitgels legids il pli savens