Siglir tar il cuntegn

Header

video
Airbus A380
Or da Minisguard dals 23.01.2010.
laschar ir. Durada: 1 minuta 26 Secundas.
cuntegn

Lexicon A Airbus A380

Il pli grond aviun da passagiers, l'Airbus A380, è atterrà ils 20 da schaner 2010 per l'emprima giada sin la plazza aviatica da Turitg/Kloten.

Il gigant n’ha betg dapertut il nas davant

Las cifras da l’aviun èn impressiunantas. L’A380 ha plaz per enfin 853 passagiers.

A380
Legenda: A380 RTR

Quai è il dubel dal «Jumbo» (Boeing 747-400). El paisa fin 560 tonnas, quai è tant sco quai che 100 elefants paisan. Giusut vesais vus ina cumparegliaziun tranter ils trais pli gronds aviuns da passagiers dal mund. E qua sa mussi che l’A380 n’ha betg dapertut il nas ordavant e n’è gnanc uschè bler pli grond ch’ils auters.

L'Airbus A380 è atterrà ils 20 da schaner 2010 a Turitg

A380
Legenda: A380 RTR

El è grond. El sgola lunsch ed el ha plaz per blera glieud. L’emprima atterrada a Turitg, ils 20 da schaner 2010 ha carmalà blera glieud sin la plazza aviatica.

apectaturs a l'eroport a turitg
Legenda: apectaturs a l'eroport a turitg RTR

Enturn l’aviun èn vegnidas pustadas saivs. Questas tegnan sin distanza ils aspectaturs da l’aviun. En l’aviun han mo paucas persunas pudì ir. Da vesair na devi dentant nagut spectacular. Tgi che tschertgava sutgas, tschertgava adumbatten. En l'aviun era mo in pau buts d’aua che duevan simular la paisa. Era uschiglio veseva l’aviun ora in pau sco in aviun che n'era anc betg a fin. Quai è uschia perquai ch’i sa tractava mo d’in aviun per far tests.

Artitgels legids il pli savens