Siglir tar il cuntegn

Header

cuntegn

Recept Sablés

Quai è il recept preferì da Rilana Gienal.

Per far biscuits dovr’ins ina tscherta creativitad. Cun ils sablés pon ins viver quella.
Autur: Rilana Gienal emprendista commerziala
Rilana Gienal, emprendista commerziala
Legenda: Rilana Gienal, emprendista commerziala RTR

Schelentar: 5-10 min.
Coier: 8-10 min.

Las ingredienzas

  • 125 g paintg, temp. da stanza
  • 60 g zutger
  • 1 presa sal
  • 2 tp zutger da vaniglia
  • 1–2 tg aua
  • 200 g farina alva

tp = tschadun pitschen
tg = tschadun grond

Pass per pass

  1. Metter il paintg en ina cuppa. Maschadar, enfin che sa furman pizs.
  2. Agiuntar il zutger, il sal, il zutger da vaniglia e l’aua e maschadar.
  3. Agiuntar la farina e truschar la massa ad ina pasta. Metter quella per in curt mument en la schelentera.
  4. Furmar cun la pasta ina rolla da 3 cm grossezza. Lura tagliar la rolla en schibas da 5 mm grossezza e metter sin ina lastra cuvrida cun in palpiri da furn.
  5. Coier ils biscuits entamez il furn prestgaudà sin 180°C chalira sura/sut per 8–10min. e laschar sfradentar.

Sablés da mandlas
Agiuntar 70g tochins da mandlas, avant che la farina vegn en la massa.

Sablés da tschigulatta
Agiuntar 70g tschigulatta naira luentada, avant che la farina vegn en la massa.

Artitgels legids il pli savens