Siglir tar il cuntegn

Header

cuntegn

Recept Crocants da Nona

Quai è il recept preferì d'Armon Schlegel.

Quists crocants am tiran adimmaint quels dis fraids d’inviern, cur chi’s rivaiva pro nona sco puobet, dschet sco üna chaclana, e’s pudaiva bognar ils crocants i’l cafè per as s-chaudar. Eir schi nu’s vaiva normalmaing gugent cafè, però cun crocants dvantaiva il cafè üna buntà.
Autur: Armon Schlegel redactur Engiadina
Armon Schlegel, redactur Engiadina
Legenda: Armon Schlegel, redactur Engiadina RTR

Las ingredienzas

  • 375 g farina
  • 200 g painch
  • 200 g zücher
  • 200 g mandlas grobas
  • 2 övs
  • 1 bustina zücher da vaniglia
  • 1 prisa sal
  • ½ bustina alvon

Pass per pass

  1. Masdar tuot ad üna pasta. Far landeroura quatter liongias da la lunghezza da la lastra.
  2. Metter las quatter liongias da pasta sülla lastra suogliada cun palperi da fuorn. Tillas splattütschar in pa ad ün grossezza da ca. 1,5cm.
  3. Couscher per 25 minuts sün 160 grads. Tour oura e laschar sfradar ca. 15 minuts e tagliar las rollas in tocs da 1,5cm.
  4. Metter ils singuls tocs in costas sülla lastra cun palperi e tils couscha amo üna jada per 20 minuts sün 125 grads.

Artitgels legids il pli savens