Recept - Bastunets da vaniglia

Quels biscuits èn bunischems ed fitg simpels da far. Ils uffants pon gidar ed bagnar ils biscuits en la tschigulatta.

Legenda: Urban Coray, realisatur da tun RTR

Coier: 15-20 min.

Las ingredienzas

• 125 g paintg u margarina
• 125 g zutger
• ½ pachet zutger da vaniglia
• 1 presa sal
• 2 ovs
• 250 g farina alva
• Tschigulatta naira

Pass per pass

1. Stgaudar in pau il paintg e truschar quel cun il zutger, zutger da vaniglia ed il sal, fin ch’i dat ina bella stgima.
2. Agiuntar plaun a plaun ils ovs.
3. Agiuntar era la farina e truschar la massa ad ina pasta.
4. Metter la pasta en in satg da garnir. Cun agid da quel far bastunets da ca. 5cm lunghezza. Plazzar quels sin ina lastra levamain unschida e farinada.
5. Coier ils biscuits 15–20 minutas entamez il furn prestgaudà sin 180°C chalira sura/sut.
6. Laschar sfradentar ils bastunets e suenter bagnar quels en tschigulatta liquida. Laschar pussar ils biscuits sin palpiri da furn.

1 / 1

Legenda: Bastunets da vaniglia Swissmilk