Siglir tar il cuntegn

Header

cuntegn

Chanzun (surmiran) Scusalar

Mintga seira siva scola,
lainsa eir a scusalar.
Bagn dabot no te scasola,
te tgi vast scu da sgular.

Sen chel mot lo tign’ samada,
spert ansemen cumarats.
Giu da lo tots an parada,
scusalagn nous leghers mats.

Giud la sponda tots an retscha,
o scu chegl vo giu agls plangs.
E sch’i perd er la tgapitscha
chella vign puspe a mangs.

E schi vign er an rudeglias,
sur en rieven tge fogl chegl!
Schi las tgotschas von ampaglia,
las cuntschier ins so puspe.

Legramaintg nous giagn a tschagna,
ed alloura a reposs.
La scasola chell’am magna,
anc an semi or segls pros.

Chanzun: Scusalar
Legenda: Scusalar RTR

Melodia populara

Artitgels legids il pli savens