Siglir tar il cuntegn

Header

video
Il Tour de Suisse Women cumbatta per renconuschientscha.
Or da Telesguard dals 21.06.2022.
abspielen. Laufzeit 3 minutas 2 Sekunden.
cuntegn

Tour de Suisse Women Lucinda Brand triumfescha dublamain

video
Bilantscha: Jolanda Neff quatter giadas sut las top 10
Or da Sport-Clip dals 21.06.2022.
abspielen. Laufzeit 1 minuta 31 Sekunden.

La quarta ed ultima etappa, l'etappa roiala da quest onn, ha manà las dunnas dal Tour de Suisse da la citad da Cuira sur Tavau enfin en l'Arena da biatlon a Lantsch. L'etappa è stada radund 100 kilometers lunga cun passa 2'000 meters differenza d'autezza.

audio
Tour de Suisse Women: live da l'arrivada a Lantsch
aus Actualitad vom 21.06.2022.
abspielen. Laufzeit 5 minutas 57 Sekunden.

Victura dal di sco er victura dal classament general è l'Ollandaisa Lucinda Brand. Ella ha battì en in sprint final l'Americana Kristen Faulkner ch'è partida en il maillot jaune, chè dentant crudada en la davosa storta en l'Arena da biatlon ed uschia manchentà la victoria dal Tour de Suisse. La finala ha Brand triumfà cun in avantatg da 17 secundas sin Faulkner ch'ha be 25 onns.

video
Faulkner attatga e croda, Brand giubilescha
Or da Sport-Clip dals 21.06.2022.
abspielen. Laufzeit 1 minuta 39 Sekunden.

Jolanda Neff persvada durant l'entir Tour de Suisse

Meglra svizra tar l'etappa finala è danovamain stada Jolanda Neff. Ella ha cuntanschì l'arrivada sco 10avla cun in retard da bun ina minuta e mesa. Er en il classament general ha Neff pudì defender ses 5avel plaz cun in retard da bun trais minutas.

video
Jolanda Neff sto laschar scappar Lucinda Brand 5,6 km avant l'arrivada.
Or da Sport-Clip dals 21.06.2022.
abspielen. Laufzeit 28 Sekunden.

La campiunessa olimpica da mountainbike ha en questa davosa etappa anc ina giada empruvà tut ed attatgà direcziun Alvagni. A Casti, avant la davosa ascensiun da bun 6 kilometers, era Neff a la testa ensemen cun Lucinda Brand, quai cun in avantatg da bunamain ina minuta. Sin ils davos kilometers han però las forzas mancà per pudair cumbatter per ina plazza da podest. Direcziun Tavau aveva gia Sina Frei attatgà e suenter Tavau Alessandra Keller.

video
Neff: «Ina mes'ura ensi, quai è stà dir»
Or da Sport-Clip dals 21.06.2022.
abspielen. Laufzeit 3 minutas 2 Sekunden.

Classament final dal TdS Women:

1. Lucinda Brand NED 7:52:46 uras

2. Kristen Faulkner USA +0:17 min.

3. Paulien Rooijakkers NED +1:19 min.

5. Jolanda Neff SUI +3:01 min.

14. Alessandra Keller SUI +5:22 min.

18. Steffi Häberlin +6:48 min.

22. Sina Frei +8:13 min.

audio
La quarta etappa dal Tour de Suisse Women
aus Actualitad vom 21.06.2022.
abspielen. Laufzeit 1 minuta 40 Sekunden.

Terza etappa è stada da Vaduz a Cuira

La terza etappa da la «Tour de Suisse Women» ha manà las ciclistas da Vaduz a Cuira. En tut han ellas stuì surmuntar 124,2 kilometers, cun muntadas a Gais ed il Pass da Son Gliezi. L'arrivada è stada sut il Fürstenwald dasper la stalla dal Waldhaus a Cuira.

audio
Terza etappa dal TdS Women maina da Cuira a Lantsch
aus Actualitad vom 20.06.2022.
abspielen. Laufzeit 5 minutas 52 Sekunden.

audio
Avantatgs e sfidas dal TdS Women a Cuira
aus RTR Audio vom 20.06.2022.
abspielen. Laufzeit 1 minuta 52 Sekunden.

Ord motivs organisatorics, pervi dal traffic, na saja betg stà pussaivel da far l'arrivada amez da la citad da Cuira, sco Victor Zindel, il schef dal comité d'organisaziun da Cuira, di. I saja dentant pussaivel da lantschar la quarta e davosa etappa damaun amez la citad. La partenza è a las 14:20 sin il Kornplatz e va sur Casti fin a l'arena da biatlon a Lantsch.

RTR actualitad 11:00

Artitgels legids il pli savens

Scrollar a sanestra Scrollar a dretga