Siglir tar il cuntegn

Header

cuntegn

Terrada a chasa cunter Losanna Duas partidas – duas giadas penalties – duas giadas pers

Il Club da Hockey da Tavau ha er pers la segunda partida dal campiunadi encunter Losanna. Il HCD ha pers en la lutga da penaltis cun 3:4.

Spert guardava quai ora bain per il HCD en il gieu encunter Losanna. Suenter bundant tschintg minutas era il HCD gia cun 2:0 en avantatg. Lura dentant ha il HCD pers sia lingia, ed uschia è il osp da Losanna vegni adina meglier en la partida. Suenter il segund terz aveva il HC Losanna egualisà la partida. Or dad in 0:2 ha l’equipa dal Lac Leman fat in 2:2. Al HCD n’ha è alura betg pli grategià la massa. Forza era la partenza cun gest duos gols aifer da paucas minutas tissi per il HCD.

En la lutga da penalties ha mo Leon Bristedt tuc

En il terz terz è il Club da hockey da Tavau puspè i en avantatg. Losanna è dentant stà bun dad egualisar il gieu. Uschia ha quai dà ina prolungaziun e suenter che quella na ha era betg purtà ina decisiun ha la lutga da penaltis stuì decider davart la victoria. E puspè na è quai betg grategià al HCD dad agir consequent en la lutga da penalties. Davart dal HCD ha be Leon Brinstedt tuc. Suenter la buna entschatta è il HCD puspè i sco perdent dal glatsch.

audio
Claude Paschoud davart gieu e prolungaziun contract
ord Actualitad dals 17.09.2022.
laschar ir. Durada: 2 minutas 46 Secundas.

Cun sis giugaders esters en nova stagiun

En vista a la nova stagiun da hockey ha quai da inqual midament. Uschia è quai da nov pussibel da dar cun sis giugaders esters. Pervia da la guerra en l’Ucraina, prefereschan blers giugaders da vegnir enstagl da giugar en la liga Russa KHL, en Svizra. Uschia savess quai bain esser che ins vesa durant questa stagiun giugaders da l’ester ch'avessan la classa da dar en la segund meglra liga da hockey dal mund, l’uschenumnada KHL.

Per ils fans e per ils trenaders è quai fantastic
Autur: Christian Wohlwend schef trenader HCD

HCD cun l'ambiziun da cumbatter puspè ina giada per il titel

Gia set onns èn passads dapi l’ultim titel da campiun svizzer dal Club da Hockey da Tavau. Mesirà vi dals success da la generaziun dad aur enturn il trenader engiadinais Arno Del Curto, el aveva gudagnà tranter il 2002 ed il 2015 sis titel da campiun, fiss quai puspè ura che il buccal vegniss a Tavau. Il HCD vegn ad empruvar tut da festivar puspè ina giada il titel. Quai fiss il 32avel en l’istorgia da la squadra da tradiziun grischuna.

Las ulteriuras partidas

  • Ajoie gudogna cunter Fribourg cun 4:2.
  • Bienna gudogna cunter Genevra cun 2:0.
  • Ambri gudogna cunter Berna cun 5:1.
  • Zug gudogna cunter ils SCL Tigers cun 5:3.

Tabella hockey liga naziunala

Avrir la box Serrar la box

Link tar Federaziun da hockey

Artitgels legids il pli savens